6. Nakulapitusuttavaṇṇanā
16. Chaṭṭhe
M3.97 visabhāgavedanuppattiyā kakaceneva catuiriyāpathaṃ chindanto ābādhayatīti ābādho , so yassa atthīti ābādhiko .Taṃsamuṭṭhānadukkhena dukkhito .
Adhimattagilānoti dhātusaṅkhayena parikkhīṇasarīro .
Sappaṭibhayakantārasadisā soḷasavatthukā aṭṭhavatthukā ca vicikicchā tiṇṇā imāyāti tiṇṇavicikicchā .
Vigatā samucchinnā pavattiādīsu ‘‘ evaṃ nu kho na nu kho ’’ ti evaṃ pavattikā kathaṃkathā assāti vigatakathaṃkathā .
Sārajjakarānaṃ pāpadhammānaṃ pahīnattā rāgavikkhepesu sīlādiguṇesu ca tiṭṭhakattā vesārajjaṃ , visāradabhāvaṃ veyyattiyaṃ pattāti vesārajjappattā .
Attanā eva paccakkhato diṭṭhattā na paraṃ pacceti , nassa paro paccetabbo atthīti aparappaccayā .
Gilānā vuṭṭhitoti gilānabhāvato vuṭṭhāya ṭhito .
Bhāvappadhāno hi ayaṃ niddeso .
Gilāno hutvā vuṭṭhitoti idaṃ pana atthamattanidassanaṃ .
Nakulapitusuttavaṇṇanā niṭṭhitā .