17. Sattarasamavaggo
1. Atthiarahatopuññūpacayakathāvaṇṇanā
776-779.
Kiriyacittaṃ
V0.147 abyākataṃ anādiyitvāti ‘‘ kiriyacittaṃ abyākatan ’’ ti aggahetvā , dānādipavattanena dānamayādipuññattena ca gahetvāti attho .Atthiarahatopuññūpacayakathāvaṇṇanā niṭṭhitā .
2. Natthiarahatoakālamaccūtikathāvaṇṇanā
780. Aladdhavipākavārānan ti vipākadānaṃ pati aladdhokāsānaṃ .
Byantībhāvan ti vigatantataṃ , vigamaṃ avipākanti attho .
781. Tato paran ti byatirekena atthasiddhi , na kevalena anvayenāti āha ‘‘ tāva na kamati , tato paraṃ kamatīti laddhiyā paṭikkhipatī ’’ ti .
Tattha tato paran ti pubbe katassa kammassa parikkhayagamanato paraṃ .
Natthi pāṇātipāto pāṇātipātalakkhaṇābhāvatoti adhippāyo .
Tameva lakkhaṇābhāvaṃ dassetuṃ ‘‘ pāṇopāṇasaññitā ’’ tiādi vuttaṃ .
Tattha na tenāti yo parena upakkamo kato
M0.143 , tena upakkamena na mato , dhammatāmaraṇeneva matoti dubbiññeyyaṃ avisesavidūhi , dubbiññeyyaṃ vā hotu suviññeyyaṃ vā , aṅgapāripūriyāva pāṇātipāto .Natthiarahatoakālamaccūtikathāvaṇṇanā niṭṭhitā .
3. Sabbamidaṃkammatotikathāvaṇṇanā
784. Abījatoti
V0.148 sabbena sabbaṃ abījato aññabījato ca .Tan ti deyyadhammaṃ , gilānapaccayanti attho .
Sabbamidaṃkammatotikathāvaṇṇanā niṭṭhitā .
4. Indriyabaddhakathāvaṇṇanā
788. Vināpi aniccaṭṭhenāti aniccaṭṭhaṃ ṭhapetvāpi aṭṭhapetvāpīti attho , na aniccaṭṭhavirahenāti .
Na hi aniccaṭṭhavirahitaṃ anindriyabaddhaṃ atthi .
Indriyabaddhakathāvaṇṇanā niṭṭhitā .
7. Navattabbaṃsaṅghodakkhiṇaṃvisodhetītikathāvaṇṇanā
793-794.
Appaṭiggahaṇatoti paṭiggāhakattābhāvato .
Navattabbaṃsaṅghodakkhiṇaṃvisodhetītikathāvaṇṇanā niṭṭhitā .
11. Dakkhiṇāvisuddhikathāvaṇṇanā
800-801.
Paṭiggāhakanirapekkhāti paṭiggāhakassa guṇavisesanirapekkhā , tassa dakkhiṇeyyabhāvena vināti attho .
Tenāha ‘‘ paṭiggāhakena
M0.144 paccayabhūtena vinā ’’ ti .Saccametan ti
V0.149 laddhikittanena vuttabhāvameva paṭijānāti .Paṭiggāhakassa vipākanibbattanaṃ dānacetanāya mahāphalatā .
Paccayabhāvoyeva hi tassa , na tassā kāraṇattaṃ .
Tenāha ‘‘ dānacetanānibbattanena yadi bhaveyyā ’’ tiādi .
Dakkhiṇāvisuddhikathāvaṇṇanā niṭṭhitā .
Sattarasamavaggavaṇṇanā niṭṭhitā .