6. Paṭiccasamuppādādi
61. Avijjā ekena khandhena ekenāyatanena ekāya dhātuyā saṅgahitā .
Katihi asaṅgahitā ?
Catūhi khandhehi ekādasahāyatanehi sattarasahi dhātūhi asaṅgahitā .
62. Avijjāpaccayā saṅkhārā ekena khandhena ekenāyatanena ekāya dhātuyā saṅgahitā .
Katihi asaṅgahitā ?
Catūhi khandhehi ekādasahāyatanehi sattarasahi dhātūhi asaṅgahitā .
63. Saṅkhārapaccayā viññāṇaṃ ekena
P0.14 khandhena ekenāyatanena sattahi dhātūhi saṅgahitaṃ .Katihi asaṅgahitaṃ ?
Catūhi khandhehi ekādasahāyatanehi ekādasahi dhātūhi asaṅgahitaṃ .
64. Viññāṇapaccayā nāmarūpaṃ catūhi khandhehi ekādasahāyatanehi ekādasahi dhātūhi saṅgahitaṃ .
Katihi asaṅgahitaṃ ?
Ekena khandhena ekenāyatanena sattahi dhātūhi asaṅgahitaṃ .
65. Nāmarūpapaccayā
V0.14 saḷāyatanaṃ dvīhi khandhehi chahāyatanehi dvādasahi dhātūhi saṅgahitaṃ .Katihi asaṅgahitaṃ ?
Tīhi khandhehi chahāyatanehi chahi dhātūhi asaṅgahitaṃ .
66. Saḷāyatanapaccayā phasso … phassapaccayā vedanā … vedanāpaccayā taṇhā … taṇhāpaccayā upādānaṃ … kammabhavo
T0.14 [ upādānapaccayā kammabhavo ( sī . syā .)] ekena khandhena ekenāyatanena ekāya dhātuyā saṅgahito .Katihi asaṅgahito ?
Catūhi khandhehi ekādasahāyatanehi sattarasahi dhātūhi asaṅgahito .
67. Upapattibhavo
M0.13 … kāmabhavo … saññābhavo … pañcavokārabhavo pañcahi khandhehi ekādasahāyatanehi sattarasahi dhātūhi saṅgahito .Katihi asaṅgahito ?
Na kehici khandhehi ekenāyatanena ekāya dhātuyā asaṅgahito .
68. Rūpabhavo pañcahi khandhehi pañcahāyatanehi aṭṭhahi dhātūhi saṅgahito .
Katihi
P0.15 asaṅgahito ?Na kehici khandhehi sattahāyatanehi dasahi dhātūhi asaṅgahito .
69. Arūpabhavo … nevasaññānāsaññābhavo … catuvokārabhavo catūhi khandhehi dvīhāyatanehi dvīhi dhātūhi saṅgahito .
Katihi asaṅgahito ?
Ekena khandhena dasahāyatanehi soḷasahi dhātūhi asaṅgahito .
70. Asaññābhavo … ekavokārabhavo ekena khandhena dvīhāyatanehi dvīhi dhātūhi saṅgahito .
Katihi asaṅgahito ?
Catūhi khandhehi dasahāyatanehi soḷasahi dhātūhi asaṅgahito .
71. Jāti dvīhi khandhehi … jarā dvīhi khandhehi … maraṇaṃ dvīhi khandhehi ekenāyatanena ekāya dhātuyā saṅgahitaṃ .
Katihi asaṅgahitaṃ ?
Tīhi khandhehi ekādasahāyatanehi sattarasahi dhātūhi asaṅgahitaṃ .
72. Soko … paridevo … dukkhaṃ … domanassaṃ … upāyāso … satipaṭṭhānaṃ … sammappadhānaṃ
T0.15 ekena khandhena ekenāyatanena ekāya dhātuyā saṅgahitaṃ .Katihi asaṅgahitaṃ ?
Catūhi khandhehi ekādasahāyatanehi sattarasahi dhātūhi asaṅgahitaṃ .
73. Iddhipādo
V0.15 dvīhi khandhehi dvīhāyatanehi dvīhi dhātūhi saṅgahito .Katihi asaṅgahito ?
Tīhi khandhehi dasahāyatanehi soḷasahi dhātūhi asaṅgahito .
74. Jhānaṃ
P0.16 dvīhi khandhehi ekenāyatanena ekāya dhātuyā saṅgahitaṃ .Katihi asaṅgahitaṃ ?
Tīhi khandhehi ekādasahāyatanehi sattarasahi dhātūhi asaṅgahitaṃ .
75. Appamaññā
M0.14 … pañcindriyāni … pañca balāni … satta bojjhaṅgā … ariyo aṭṭhaṅgiko maggo … phasso … vedanā … saññā … cetanā … adhimokkho … manasikāro ekena khandhena ekenāyatanena ekāya dhātuyā saṅgahito .Katihi asaṅgahito ?
Catūhi khandhehi ekādasahāyatanehi sattarasahi dhātūhi asaṅgahito .
76. Cittaṃ ekena khandhena ekenāyatanena sattahi dhātūhi saṅgahitaṃ .
Katihi asaṅgahitaṃ ?
Catūhi khandhehi ekādasahāyatanehi ekādasahi dhātūhi asaṅgahitaṃ .