3. Phassādisattakaṃ
472. Phassena ye dhammā … vedanāya ye dhammā … saññāya ye dhammā … cetanāya ye dhammā … cittena ye dhammā … manasikārena ye dhammā vippayuttā … te dhammā asaṅkhataṃ khandhato ṭhapetvā ekena
T0.116 khandhena ekādasahāyatanehi ekādasahi dhātūhi saṅgahitā .Katihi
P0.102 asaṅgahitā ?Catūhi khandhehi ekenāyatanena sattahi dhātūhi asaṅgahitā .
473. Adhimokkhena ye dhammā vippayuttā … te dhammā asaṅkhataṃ khandhato ṭhapetvā pañcahi khandhehi dvādasahāyatanehi sattarasahi dhātūhi saṅgahitā .
Katihi asaṅgahitā ?
Na kehici khandhehi na kehici āyatanehi ekāya dhātuyā asaṅgahitā .