9. Pahārādasuttaṃ

19. Ekaṃ samayaṃ bhagavā verañjāyaṃ vi harati naḷerupucimandamūle .

Atha kho pahārādo asurindo yena bhagavā tenupasaṅkami ;

upasaṅkamitvā bhagavantaṃ abhivādetvā ekamantaṃ aṭṭhāsi .

Ekamantaṃ ṭhitaṃ kho pahārādaṃ asurindaṃ bhagavā etadavoca –

‘‘ ApiM3.39 [ kiṃ ( ka .)] pana , pahārādaP4.198 , asurā mahāsamudde abhiramantī ’’ ti ?

‘‘ Abhiramanti , bhante , asurā mahāsamudde ’’ ti .

‘‘ Kati pana , pahārāda , mahāsamudde acchariyā abbhutā dhammā [ abbhutadhammā ( syā . ka .) cūḷava .384 passitabbaṃ ], ye disvā disvā asurā mahāsamudde abhiramantī ’’ ti ?

‘‘ Aṭṭha , bhante , mahāsamudde acchariyā abbhutā dhammā , ye disvā disvā asurā mahāsamudde abhiramanti .

Katame aṭṭha ?

Mahāsamuddo , bhante , anupubbaninno anupubbapoṇo anupubbapabbhāroT4.201 , na āyatakeneva papāto .

Yampi , bhante , mahāsamuddo anupubbaninno anupubbapoṇo anupubbapabbhāro , na āyatakeneva papāto .

Ayaṃ , bhante , mahāsamudde paṭhamo acchariyo abbhuto dhammo , yaṃ disvā disvā asurā mahāsamudde abhiramanti .

‘‘ Puna caparaṃ , bhante , mahāsamuddo ṭhitadhammo velaṃ nātivattati .

Yampi , bhante , mahāsamuddo ṭhitadhammo velaṃ nātivattati ;

ayaṃ [ ayampi ( ka .)], bhante , mahāsamudde dutiyo acchariyo abbhuto dhammo yaṃ disvā disvā asurā mahāsamudde abhiramanti .

‘‘ Puna caparaṃ , bhante , mahāsamuddo na matena kuṇapena saṃvasati [ saṃvattati ( syā .)].

Yaṃ hoti mahāsamudde mataṃ kuṇapaṃ , taṃ khippameva [ khippaṃyeva ( sī .), khippaṃeva ( pī .), khippaññeva ( cūḷava .384)] tīraṃ vāheti , thalaṃ ussāreti .

Yampi , bhante , mahāsamuddo na matena kuṇapena saṃvasati , yaṃ hoti mahāsamudde mataṃ kuṇapaṃ , taṃ khippameva tīraṃ vāheti , thalaṃ ussāreti ;

ayaṃ , bhante , mahāsamudde tatiyo acchariyo abbhuto dhammo , yaṃ disvā disvā asurā mahāsamudde abhiramanti .

‘‘ PunaV3.40 caparaṃ , bhante , yā kāci mahānadiyo , seyyathidaṃ – gaṅgā yamunā aciravatī sarabhū mahī , tā mahāsamuddaṃ patvā [ pattā ( ka ., cūḷava .384)] jahanti purimāni nāmagottāni ,‘ mahāsamuddo ’P4.199 tveva saṅkhaṃ gacchanti .

Yampi , bhante , yā kāci mahānadiyo , seyyathidaṃ – gaṅgā yamunā aciravatī sarabhū mahī , tā mahāsamuddaṃ patvā jahanti purimāni nāmagottāni ,‘ mahāsamuddo ’ tveva saṅkhaṃ gacchanti ;

ayaṃ , bhante , mahāsamudde catuttho acchariyo abbhuto dhammo , yaṃ disvā disvā asurā mahāsamudde abhiramanti .

‘‘ PunaM3.40 caparaṃ , bhante , yā ca [ yā kāci ( syā . pī . ka .)] loke savantiyo mahāsamuddaṃT4.202 appenti yā ca antalikkhā dhārā papatanti , na tena mahāsamuddassa ūnattaṃ vā pūrattaṃ vā paññāyati .

Yampi , bhante , yā ca loke savantiyo mahāsamuddaṃ appenti yā ca antalikkhā dhārā papatanti , na tena mahāsamuddassa ūnattaṃ vā pūrattaṃ vā paññāyati ;

ayaṃ , bhante , mahāsamudde pañcamo acchariyo abbhuto dhammo , yaṃ disvā disvā asurā mahāsamudde abhiramanti .

‘‘ Puna caparaṃ , bhante , mahāsamuddo ekaraso loṇaraso .

Yampi , bhante , mahāsamuddo ekaraso loṇaraso ;

ayaṃ , bhante , mahāsamudde chaṭṭho acchariyo abbhuto dhammo , yaṃ disvā disvā asurā mahāsamudde abhiramanti .

‘‘ Puna caparaṃ , bhante , mahāsamuddo bahuratano [ pahūtaratano ( ka .)] anekaratano .

Tatrimāni ratanāni , seyyathidaṃ – muttā maṇi veḷuriyo saṅkho silā pavāḷaṃ rajataṃ jātarūpaṃ lohitako masāragallaṃ .

Yampi , bhante , mahāsamuddo bahuratano anekaratano ;

tatrimāni ratanāni , seyyathidaṃ – muttā maṇi veḷuriyo saṅkho silā pavāḷaṃ rajataṃ jātarūpaṃ lohitako masāragallaṃ .

Ayaṃ , bhante , mahāsamuddeP4.200 sattamo acchariyo abbhuto dhammo , yaṃ disvā disvā asurā mahāsamudde abhiramanti .

‘‘ Puna caparaṃ , bhante , mahāsamuddo mahataṃ bhūtānaṃ āvāso .

Tatrime bhūtā – timi timiṅgalo timirapiṅgalo [ timitimiṅgalā timirapiṅgalā ( sī .), timitimiṅgalā timiramiṅgalā ( syā . pī .)] asurā nāgā gandhabbā .

Santi mahāsamudde yojanasatikāpi attabhāvā , dviyojanasatikāpi attabhāvā , tiyojanasatikāpi attabhāvā , catuyojanasatikāpi attabhāvā , pañcayojanasatikāpi attabhāvā .

Yampi , bhante , mahāsamuddo mahataṃT4.203 bhūtānaṃV3.41 āvāso ;

tatrime bhūtā – timi timiṅgalo timirapiṅgalo asurā nāgā gandhabbā ;

santi mahāsamudde yojanasatikāpi attabhāvā … pe … dviyojana … tiyojana … catuyojana … pañcayojanasatikāpi attabhāvā ;

ayaṃ , bhante , mahāsamudde aṭṭhamo acchariyo abbhuto dhammo , yaṃ disvā disvā asurā mahāsamudde abhiramanti .

Ime kho , bhanteM3.41 , mahāsamudde aṭṭha acchariyā abbhutā dhammā , ye disvā disvā asurā mahāsamudde abhiramantīti .

‘‘ Api pana , bhante , bhikkhū imasmiṃ dhammavinaye abhiramantī ’’ ti ?

‘‘ Abhiramanti , pahārāda , bhikkhū imasmiṃ dhammavinaye ’’ ti .

‘‘ Kati pana , bhante , imasmiṃ dhammavinaye acchariyā abbhutā dhammā , ye disvā disvā bhikkhū imasmiṃ dhammavinaye abhiramantī ’’ ti ?

‘‘ Aṭṭha , pahārāda , imasmiṃ dhammavinaye acchariyā abbhutā dhammā , ye disvā disvā bhikkhū imasmiṃ dhammavinaye abhiramanti .

Katame aṭṭha ?

Seyyathāpi , pahārāda , mahāsamuddo anupubbaninno anupubbapoṇo anupubbapabbhāro , na āyatakeneva papātoP4.201 ;

evamevaṃ kho , pahārāda , imasmiṃ dhammavinaye anupubbasikkhā anupubbakiriyā anupubbapaṭipadā , na āyatakeneva aññāpaṭivedho .

Yampi , pahārāda , imasmiṃ dhammavinaye anupubbasikkhā anupubbakiriyā anupubbapaṭipadā , na āyatakeneva aññāpaṭivedho .

Ayaṃ , pahārāda , imasmiṃ dhammavinaye paṭhamo acchariyo abbhuto dhammo , yaṃ disvā disvā bhikkhū imasmiṃ dhammavinaye abhiramanti .

‘‘ Seyyathāpi , pahārāda , mahāsamuddo ṭhitadhammo velaṃ nātivattati ;

evamevaṃ kho , pahārāda , yaṃ mayā sāvakānaṃ sikkhāpadaṃ paññattaṃ taṃ mama sāvakāT4.204 jīvitahetupi nātikkamanti .

Yampi , pahārāda , mayā sāvakānaṃ sikkhāpadaṃ paññattaṃ taṃ mama sāvakā jīvitahetupi nātikkamanti .

Ayaṃ , pahārāda , imasmiṃ dhammavinaye dutiyo acchariyo abbhuto dhammo , yaṃ disvā disvā bhikkhū imasmiṃ dhammavinaye abhiramanti .

‘‘ Seyyathāpi , pahārāda , mahāsamuddo na matena kuṇapena saṃvasati .

Yaṃ hoti mahāsamudde mataṃ kuṇapaṃ , taṃ khippameva tīraṃ vāheti thalaṃ ussāreti ;

evamevaṃ kho , pahārāda , yo so puggalo dussīlo pāpadhammo asucisaṅkassarasamācāro paṭicchannakammanto assamaṇo samaṇapaṭiññoV3.42 abrahmacārī brahmacāripaṭiñño antopūti avassuto kasambujāto , na tena saṅgho saṃvasati ;

khippameva naṃ sannipatitvā ukkhipati .

‘‘ Kiñcāpi so hoti majjhe bhikkhusaṅghassa sannisinno , atha kho so ārakāva saṅghamhā saṅgho ca tena .

Yampi , pahārāda , yo so puggaloM3.42 dussīlo pāpadhammo asucisaṅkassarasamācāro paṭicchannakammanto assamaṇo samaṇapaṭiñño abrahmacārī brahmacāripaṭiñño antopūti avassuto kasambujāto , naP4.202 tena saṅgho saṃvasati ;

khippameva naṃ sannipatitvā ukkhipati ;

kiñcāpi so hoti majjhe bhikkhusaṅghassa sannisinno , atha kho so ārakāva saṅghamhā saṅgho ca tena .

Ayaṃ , pahārāda , imasmiṃ dhammavinaye tatiyo acchariyo abbhuto dhammo , yaṃ disvā disvā bhikkhū imasmiṃ dhammavinaye abhiramanti .

‘‘ Seyyathāpi , pahārāda , yā kāci mahānadiyo , seyyathidaṃ – gaṅgā yamunā aciravatī sarabhū mahī , tā mahāsamuddaṃ patvā jahanti purimāni nāmagottāni ,‘ mahāsamuddo ’T4.205 tveva saṅkhaṃ gacchanti ;

evamevaṃ kho , pahārāda , cattārome vaṇṇā – khattiyā , brāhmaṇā , vessā , suddā , te tathāgatappavedite dhammavinaye agārasmā anagāriyaṃ pabbajitvā jahanti purimāni nāmagottāni ,‘ samaṇā sakyaputtiyā ’ tveva [ samaṇo sakyaputtiyo tveva ( syā . ka .)] saṅkhaṃ gacchanti .

Yampi , pahārāda , cattārome vaṇṇā – khattiyā , brāhmaṇā , vessā , suddā , te tathāgatappavedite dhammavinaye agārasmā anagāriyaṃ pabbajitvā jahanti purimāni nāmagottāni ,‘ samaṇā sakyaputtiyā ’ tveva saṅkhaṃ gacchanti .

Ayaṃ , pahārāda , imasmiṃ dhammavinaye catuttho acchariyo abbhuto dhammo , yaṃ disvā disvā bhikkhū imasmiṃ dhammavinaye abhiramanti .

‘‘ Seyyathāpi , pahārāda , yā ca loke savantiyo mahāsamuddaṃ appenti yā ca antalikkhā dhārā papatanti , na tena mahāsamuddassa ūnattaṃ vā pūrattaṃ vā paññāyati ;

evamevaṃ kho , pahārāda , bahū cepi bhikkhū anupādisesāya nibbānadhātuyā parinibbāyanti , na tena nibbānadhātuyā ūnattaṃ vā pūrattaṃ vā paññāyati .

Yampi , pahārāda , bahū cepi bhikkhū anupādisesāya nibbānadhātuyāP4.203 parinibbāyanti , na tena nibbānadhātuyā ūnattaṃ vā pūrattaṃ vā paññāyati .

Ayaṃ , pahārāda , imasmiṃ dhammavinaye pañcamo acchariyo abbhuto dhammo , yaṃ disvā disvā bhikkhū imasmiṃ dhammavinaye abhiramanti .

‘‘ SeyyathāpiV3.43 , pahārāda , mahāsamuddo ekaraso loṇaraso ;

evamevaṃ kho , pahārāda , ayaṃ dhammavinayo ekaraso , vimuttiraso .

Yampi pahārādaM3.43 , ayaṃ dhammavinayo ekaraso , vimuttirasoT4.206 ;

ayaṃ , pahārāda , imasmiṃ dhammavinaye chaṭṭho acchariyo abbhuto dhammo , yaṃ disvā disvā bhikkhū imasmiṃ dhammavinaye abhiramanti .

‘‘ Seyyathāpi , pahārāda , mahāsamuddo bahuratano anekaratano ;

tatrimāni ratanāni , seyyathidaṃ – muttā maṇi veḷuriyo saṅkho silā pavāḷaṃ rajataṃ jātarūpaṃ lohitako masāragallaṃ ;

evamevaṃ kho , pahārāda , ayaṃ dhammavinayo bahuratano anekaratano .

Tatrimāni ratanāni , seyyathidaṃ – cattāro satipaṭṭhānā , cattāro sammappadhānā , cattāro iddhipādā , pañcindriyāni , pañca balāni , satta bojjhaṅgā , ariyo aṭṭhaṅgiko maggo .

Yampi , pahārāda , ayaṃ dhammavinayo bahuratano anekaratano ;

tatrimāni ratanāni , seyyathidaṃ – cattāro satipaṭṭhānā , cattāro sammappadhānā , cattāro iddhipādā , pañcindriyāni , pañca balāni , satta bojjhaṅgā , ariyo aṭṭhaṅgiko maggo ;

ayaṃ , pahārāda , imasmiṃ dhammavinaye sattamo acchariyo abbhuto dhammo , yaṃ disvā disvā bhikkhū imasmiṃ dhammavinaye abhiramanti .

‘‘ Seyyathāpi , pahārāda , mahāsamuddo mahataṃ bhūtānaṃ āvāso ;

tatrime bhūtā – timi timiṅgalo timirapiṅgaloP4.204 asurā nāgā gandhabbā ;

santi mahāsamudde yojanasatikāpi attabhāvā , dviyojanasatikāpi attabhāvā , tiyojanasatikāpi attabhāvā , catuyojanasatikāpi attabhāvā , pañcayojanasatikāpi attabhāvā ;

evamevaṃ kho , pahārāda , ayaṃ dhammavinayo mahataṃ bhūtānaṃ āvāso ;

tatrime bhūtā – sotāpanno sotāpattiphalasacchikiriyāya paṭipanno , sakadāgāmī sakadāgāmiphalasacchikiriyāyaT4.207 paṭipanno , anāgāmī anāgāmiphalasacchikiriyāya paṭipanno , arahā arahattāya paṭipanno .

Yampi , pahārāda , ayaṃ dhammavinayo mahataṃ bhūtānaṃ āvāso ;

tatrime bhūtā – sotāpanno sotāpattiphalasacchikiriyāya paṭipanno , sakadāgāmī sakadāgāmiphalasacchikiriyāya paṭipanno , anāgāmī anāgāmiphalasacchikiriyāya paṭipanno , arahā arahattāya paṭipanno ;

ayaṃ , pahārāda , imasmiṃ dhammavinaye aṭṭhamo acchariyo abbhuto dhammo , yaṃ disvā disvā bhikkhū imasmiṃ dhammavinaye abhiramanti .

Ime kho , pahārāda , imasmiṃ dhammavinaye aṭṭhaM3.44 acchariyā abbhutā dhammā , ye disvā disvā bhikkhū imasmiṃ dhammavinaye abhiramantī ’’ ti .

Navamaṃ .

Issues

Select Version

Aṭṭhakanipātapāḷi

Aṭṭhakanipātapāḷi