1. Pārivāsikavattaṃ

75. TenaT1.128P2.31M0.82V0.77 samayena buddho bhagavā sāvatthiyaṃ viharati jetavane anāthapiṇḍikassa ārāme .

Tena kho pana samayena pārivāsikā bhikkhū sādiyanti pakatattānaṃ bhikkhūnaṃ abhivādanaṃ , paccuṭṭhānaṃ , añjalikammaṃ , sāmīcikammaṃ , āsanābhihāraṃ , seyyābhihāraṃ , pādodakaṃ pādapīṭhaṃ , pādakathalikaṃ , pattacīvarapaṭiggahaṇaṃ , nahāne piṭṭhiparikammaṃ .

Ye te bhikkhū appicchā … pe … te ujjhāyanti khiyyanti vipācenti –

‘‘ kathañhi nāma pārivāsikā bhikkhū sādiyissanti pakatattānaṃ bhikkhūnaṃ abhivādanaṃ , paccuṭṭhānaṃ , añjalikammaṃ , sāmīcikammaṃ , āsanābhihāraṃ , seyyābhihāraṃ , pādodakaṃ pādapīṭhaṃ , pādakathalikaṃ , pattacīvarapaṭiggahaṇaṃ , nahāne piṭṭhiparikamman ’’ ti !

Atha kho te bhikkhū bhagavato etamatthaṃ ārocesuṃ .

Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhū paṭipucchi –

‘‘ saccaṃ kira , bhikkhave , pārivāsikā bhikkhū sādiyanti pakatattānaṃ bhikkhūnaṃ abhivādanaṃ , paccuṭṭhānaṃ , añjalikammaṃ , sāmīcikammaṃ , āsanābhihāraṃ , seyyābhihāraṃ , pādodakaṃ pādapīṭhaṃ , pādakathalikaṃ , pattacīvarapaṭiggahaṇaṃ , nahāne piṭṭhiparikamman ’’ ti ?

‘‘ Saccaṃ bhagavā ’’ ti .

Vigarahi buddho bhagavā –

‘‘ ananucchavikaṃ … pe … kathañhi nāma , bhikkhave , pārivāsikā bhikkhū sādiyissanti pakatattānaṃ bhikkhūnaṃ abhivādanaṃ , paccuṭṭhānaṃ , añjalikammaṃ , sāmīcikammaṃ , āsanābhihāraṃ , seyyābhihāraṃ , pādodakaṃT1.129 pādapīṭhaṃ , pādakathalikaṃ , pattacīvarapaṭiggahaṇaṃ , nahāne piṭṭhiparikammaṃ .

Netaṃ , bhikkhave , appasannānaṃ vā pasādāya … pe … vigarahitvā … pe … dhammiṃ kathaṃ katvā bhikkhū āmantesi –

‘‘ na , bhikkhave , pārivāsikena bhikkhunā sāditabbaṃ pakatattānaṃ bhikkhūnaṃ abhivādanaṃ , paccuṭṭhānaṃ , añjalikammaṃV0.78 , sāmīcikammaṃ , āsanābhihāro , seyyābhihāro , pādodakaṃ pādapīṭhaṃ , pādakathalikaṃ , pattacīvarapaṭiggahaṇaṃ , nahāne piṭṭhiparikammaṃ .

Yo sādiyeyya , āpatti dukkaṭassa .

‘‘ Anujānāmi , bhikkhave , pārivāsikānaṃ bhikkhūnaṃ mithu yathāvuḍḍhaṃ abhivādanaṃ , paccuṭṭhānaṃ , añjalikammaṃ , sāmīcikammaṃ , āsanābhihāraṃ , seyyābhihāraṃ , pādodakaṃ pādapīṭhaṃ , pādakathalikaṃ , pattacīvarapaṭiggahaṇaṃ , nahāne piṭṭhiparikammaṃ .

‘‘ AnujānāmiM0.83 , bhikkhave , pārivāsikānaṃ bhikkhūnaṃ pañca yathāvuḍḍhaṃ – uposathaṃ , pavāraṇaṃ , vassikasāṭikaṃ , oṇojanaṃ , bhattaṃ .

Tena hi , bhikkhave , pārivāsikānaṃ bhikkhūnaṃ vattaṃ paññapessāmi yathā pārivāsikehi bhikkhūhi vattitabbaṃP2.32 .

76.‘‘ Pārivāsikena , bhikkhave , bhikkhunā sammā vattitabbaṃ .

Tatrāyaṃ sammāvattanā –

Na upasampādetabbaṃ , na nissayo dātabbo , na sāmaṇero upaṭṭhāpetabbo , na bhikkhunovādakasammuti sāditabbā , sammatenapi bhikkhuniyo na ovaditabbā .

Yāya āpattiyā saṅghena parivāso dinno hoti sā āpatti na āpajjitabbā , aññā vāT1.130 tādisikā , tato vā pāpiṭṭhatarā ;

kammaṃ na garahitabbaṃ , kammikā na garahitabbā .

Na pakatattassa bhikkhuno uposatho ṭhapetabbo , na pavāraṇā ṭhapetabbā , na savacanīyaṃ kātabbaṃ , na anuvādo paṭṭhapetabbo , na okāso kāretabbo , na codetabbo , na sāretabbo , na bhikkhūhi sampayojetabbaṃ .

‘‘ Na , bhikkhave , pārivāsikena bhikkhunā pakatattassa bhikkhuno purato gantabbaṃ , na purato nisīditabbaṃ .

Yo hoti saṅghassa āsanapariyanto seyyāpariyanto vihārapariyanto so tassa padātabbo .

Tena ca so sāditabbo .

‘‘ Na , bhikkhave , pārivāsikena bhikkhunā pakatattena bhikkhunā puresamaṇena vā pacchāsamaṇena vā kulāni upasaṅkamitabbāni , na āraññikaṅgaṃ samādātabbaṃ [ samāditabbaṃ ( ka .)], na piṇḍapātikaṅgaṃ samādātabbaṃ , na ca tappaccayā piṇḍapāto nīharāpetabbo – mā maṃ jāniṃsūti .

‘‘ PārivāsikenaV0.79 , bhikkhave , bhikkhunā āgantukena ārocetabbaṃ , āgantukassa ārocetabbaṃ , uposathe ārocetabbaṃ , pavāraṇāya ārocetabbaṃ .

Sace gilāno hoti , dūtenapi ārocetabbaṃ .

‘‘ Na , bhikkhave , pārivāsikena bhikkhunā sabhikkhukā āvāsā abhikkhuko āvāso gantabbo , aññatra pakatattena , aññatra antarāyā .

‘‘ NaM0.84 , bhikkhave , pārivāsikena bhikkhunā sabhikkhukā āvāsā abhikkhuko anāvāso gantabbo , aññatra pakatattena , aññatra antarāyāT1.131 .

Na , bhikkhave , pārivāsikena bhikkhunā sabhikkhukā āvāsā abhikkhuko āvāso vā anāvāso vā gantabbo , aññatra pakatattena , aññatra antarāyā .

‘‘ Na , bhikkhave , pārivāsikena bhikkhunā sabhikkhukā anāvāsā abhikkhuko āvāso gantabbo , aññatra pakatattena , aññatra antarāyā .

Na , bhikkhave , pārivāsikena bhikkhunā sabhikkhukā anāvāsā abhikkhuko anāvāso gantabbo , aññatra pakatattena , aññatra antarāyā .

Na , bhikkhave , pārivāsikena bhikkhunā sabhikkhukā anāvāsā abhikkhuko āvāso vā anāvāso vā gantabbo , aññatra pakatattena , aññatra antarāyā .

‘‘ Na , bhikkhave , pārivāsikena bhikkhunā sabhikkhukā āvāsā vā anāvāsā vā abhikkhuko āvāso gantabbo , aññatra pakatattena , aññatra antarāyā .

Na , bhikkhave , pārivāsikena bhikkhunā sabhikkhukā āvāsā vā anāvāsā vā abhikkhuko anāvāso gantabbo , aññatra pakatattena , aññatra antarāyā .

Na , bhikkhave , pārivāsikena bhikkhunā sabhikkhukā āvāsā vā anāvāsā vā abhikkhuko āvāso vā anāvāso vā gantabbo , aññatra pakatattena , aññatra antarāyā .

‘‘ Na , bhikkhave , pārivāsikena bhikkhunā sabhikkhukā āvāsā sabhikkhuko āvāso gantabbo , yatthassu bhikkhū nānāsaṃvāsakā , aññatra pakatattena , aññatra antarāyā .

Na , bhikkhave , pārivāsikena bhikkhunā sabhikkhukā āvāsā sabhikkhuko anāvāso gantabbo , yatthassuT1.132 bhikkhū nānāsaṃvāsakā , aññatra pakatattena , aññatra antarāyā .

Na , bhikkhave , pārivāsikenaV0.80 bhikkhunā sabhikkhukā āvāsā sabhikkhuko āvāso vā anāvāso vā gantabbo , yatthassu bhikkhū nānāsaṃvāsakā , aññatra pakatattena , aññatra antarāyā .

‘‘ Na , bhikkhave , pārivāsikena bhikkhunā sabhikkhukā anāvāsā sabhikkhuko āvāso gantabbo , yatthassu bhikkhū nānāsaṃvāsakā , aññatraM0.85 pakatattena , aññatra antarāyā .

Na , bhikkhave , pārivāsikena bhikkhunā sabhikkhukā anāvāsā sabhikkhuko anāvāso gantabbo , yatthassu bhikkhū nānāsaṃvāsakā , aññatra pakatattena , aññatra antarāyā .

Na , bhikkhave , pārivāsikena bhikkhunā sabhikkhukā anāvāsā sabhikkhuko āvāso vā anāvāso vā gantabbo , yatthassu bhikkhū nānāsaṃvāsakā , aññatra pakatattenaP2.33 , aññatra antarāyā .

‘‘ Na , bhikkhave , pārivāsikena bhikkhunā sabhikkhukā āvāsā vā anāvāsā vā sabhikkhuko āvāso gantabbo , yatthassu bhikkhū nānāsaṃvāsakā , aññatra pakatattena , aññatra antarāyā .

Na , bhikkhave , pārivāsikena bhikkhunā sabhikkhukā āvāsā vā anāvāsā vā sabhikkhuko anāvāso gantabbo , yatthassu bhikkhū nānāsaṃvāsakā , aññatra pakatattena , aññatra antarāyā .

Na , bhikkhave , pārivāsikena bhikkhunā sabhikkhukā āvāsā vā anāvāsā vā sabhikkhuko āvāso vā anāvāso vā gantabbo , yatthassu bhikkhū nānāsaṃvāsakā , aññatra pakatattena , aññatraT1.133 antarāyā .

80.‘‘ Gantabbo , bhikkhave , pārivāsikena bhikkhunā sabhikkhukā āvāsā sabhikkhuko āvāso , yatthassu bhikkhū samānasaṃvāsakā , yaṃ jaññā sakkomi ajjeva gantunti .

‘‘ Gantabbo , bhikkhave , pārivāsikena bhikkhunā sabhikkhukā āvāsā sabhikkhuko anāvāso , yatthassu bhikkhū samānasaṃvāsakā , yaṃ jaññā sakkomi ajjeva gantunti .

‘‘ Gantabbo , bhikkhave , pārivāsikena bhikkhunā sabhikkhukā āvāsā sabhikkhuko āvāso vā anāvāso vā , yatthassu bhikkhū samānasaṃvāsakā , yaṃ jaññā sakkomi ajjeva gantunti .

‘‘ GantabboV0.81 , bhikkhave , pārivāsikena bhikkhunā sabhikkhukā anāvāsā sabhikkhuko āvāso , yatthassu bhikkhū samānasaṃvāsakā , yaṃ jaññā sakkomi ajjeva gantunti .

‘‘ GantabboM0.86 , bhikkhave , pārivāsikena bhikkhunā sabhikkhukā anāvāsā sabhikkhuko anāvāso , yatthassu bhikkhū samānasaṃvāsakā , yaṃ jaññā sakkomi ajjeva gantunti .

‘‘ Gantabbo , bhikkhave , pārivāsikena bhikkhunā sabhikkhukā anāvāsā sabhikkhuko āvāso vā anāvāso vā , yatthassu bhikkhū samānasaṃvāsakā , yaṃ jaññā sakkomi ajjeva gantunti .

‘‘ Gantabbo , bhikkhave , pārivāsikena bhikkhunā sabhikkhukā āvāsā vā anāvāsā vā sabhikkhuko āvāso , yatthassu bhikkhū samānasaṃvāsakā , yaṃ jaññā sakkomi ajjeva gantunti .

‘‘ Gantabbo , bhikkhave , pārivāsikena bhikkhunāT1.134 sabhikkhukā āvāsā vā anāvāsā vā sabhikkhuko anāvāso , yatthassu bhikkhū samānasaṃvāsakā , yaṃ jaññā sakkomi ajjeva gantunti .

‘‘ Gantabbo , bhikkhave , pārivāsikena bhikkhunā sabhikkhukā āvāsā vā anāvāsā vā sabhikkhuko āvāso vā anāvāso vā , yatthassu bhikkhū samānasaṃvāsakā , yaṃ jaññā sakkomi ajjeva gantunti .

81.‘‘ Na , bhikkhave , pārivāsikena bhikkhunā pakatattena bhikkhunā saddhiṃ ekacchanne āvāse vatthabbaṃ , na ekacchanne anāvāse vatthabbaṃ , na ekacchanne āvāse vā anāvāse vā vatthabbaṃ .

Pakatattaṃ bhikkhuṃ disvā āsanā vuṭṭhātabbaṃ .

Pakatatto bhikkhu āsanena nimantetabbo .

Na pakatattena bhikkhunā saddhiṃ ekāsane nisīditabbaṃ , na nīce āsane nisinne ucce āsane nisīditabbaṃ , na chamāyaṃ nisinne āsane nisīditabbaṃ ;

na ekacaṅkame caṅkamitabbaṃ , na nīce caṅkame caṅkamante ucce caṅkame caṅkamitabbaṃ , na chamāyaṃ caṅkamante [ caṅkamantaṃ ( aṭṭhakathāyaṃ saṃvaṇṇetabbapāṭho )] caṅkame caṅkamitabbaṃ .

82.‘‘ NaV0.82 , bhikkhave , pārivāsikena bhikkhunā pārivāsikena vuḍḍhatarena bhikkhunā saddhiṃ … pe … mūlāyapaṭikassanārahena bhikkhunā saddhiṃ … pe … mānattārahena bhikkhunā saddhiṃ … pe … mānattacārikena bhikkhunā saddhiṃ … pe … abbhānārahena bhikkhunā saddhiṃ ekacchanne āvāse vatthabbaṃ , na ekacchanne anāvāse vatthabbaṃ , na ekacchanneT1.135 āvāse vā anāvāse vā vatthabbaṃ ;

na ekāsane nisīditabbaṃM0.87 , na nīce āsane nisinne ucce āsane nisīditabbaṃ , na chamāyaṃ nisinne āsane nisīditabbaṃ ;

na ekacaṅkame caṅkamitabbaṃ , na nīce caṅkame caṅkamante ucce caṅkame caṅkamitabbaṃ , na chamāyaṃ caṅkamante caṅkame caṅkamitabbaṃ .

[ mahāva .393]‘‘ Pārivāsikacatuttho ce , bhikkhave , parivāsaṃ dadeyya , mūlāya paṭikasseyya , mānattaṃ dadeyya , taṃvīso abbheyya , akammaṃ [ akammaṃ taṃ ( syā .)], na ca karaṇīyan ’’ ti .

Catunnavutipārivāsikavattaṃ niṭṭhitaṃ .

83. Atha kho āyasmā upāli yena bhagavā tenupasaṅkami .

Upasaṅkamitvā bhagavantaṃ abhivādetvā ekamantaṃ nisīdi .

Ekamantaṃ nisinno kho āyasmā upāli bhagavantaṃ etadavoca –

‘‘ kati nu kho , bhante , pārivāsikassa bhikkhuno ratticchedā ’’ ti ?

‘‘ Tayo kho , upāli , pārivāsikassa bhikkhuno ratticchedāP2.34 .

Sahavāso , vippavāso , anārocanā – ime kho , upāli , tayo pārivāsikassa bhikkhuno ratticchedā ’’ ti .

84. Tena kho pana samayena sāvatthiyaṃ mahābhikkhusaṅgho sannipatito hoti .

Na sakkonti pārivāsikā bhikkhū parivāsaṃ sodhetuṃT1.136 .

Bhagavato [ te bhikkhū bhagavato ( syā ., evamuparipi )] etamatthaṃ ārocesuṃ .

‘‘ Anujānāmi , bhikkhave , parivāsaṃ nikkhipituṃ .

Evañca pana , bhikkhave , nikkhipitabbo .

Tena pārivāsikena bhikkhunā ekaṃ bhikkhuṃ upasaṅkamitvā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā evamassa vacanīyo –

‘ parivāsaṃ nikkhipāmī ’ ti .

Nikkhitto hoti parivāso .

‘ Vattaṃ nikkhipāmī ’ ti .

Nikkhitto hoti parivāso .

85. Tena kho pana samayena sāvatthiyā bhikkhū tahaṃ tahaṃ pakkamiṃsu .

Sakkonti pārivāsikā bhikkhū parivāsaṃ sodhetuṃ .

Bhagavato etamatthaṃ ārocesuṃ .

‘‘ Anujānāmi , bhikkhave , parivāsaṃ samādiyituṃ [ samādātuṃ ( syā . kaṃ .)].

Evañca pana , bhikkhave , samādiyitabbo [ samāditabbo ( sī . syā . kaṃ .)].

Tena pārivāsikena bhikkhunā ekaṃ bhikkhuṃ upasaṅkamitvāM0.88 ekaṃsaṃ uttarāsaṅgaṃ karitvā ukkuṭikaṃ nisīditvāV0.83 añjaliṃ paggahetvā evamassa vacanīyo –

‘ parivāsaṃ samādiyāmī ’ ti .

Samādinno hoti parivāso .

‘ Vattaṃ samādiyāmī ’ ti .

Samādinno hoti parivāso ’’.

Pārivāsikavattaṃ niṭṭhitaṃ .

Select Version

Cūḷavaggapāḷi

Cūḷavaggapāḷi